貴婦食家之「今晚有餐單」

之前有提過有位老友記🐶成日鍾意整蠱下佢媽媽。開始認識佢時候,每一餐飯都係人手餵食， 而毛媽搵我幫手嘅時候係已經唔食嘢。當時係慘既，因為家中另外隻狗狗離世之所以絕食｡

開頭有試過雞粥魚粥豬肉粥，新鮮准山，整埋南瓜，都係食兩啖就唔食。我就用最感動既聲音，同發揮我既同理心，感動咗佢。

下删三百字。。。。最終當然食返野，再加飲埋湯，水果直落。

🥀問題嚟喇，前幾日去完診所驗完，醫生話腎指數有啲高呀!毛媽再唔留意下，佢就要食流質野，打皮下水! blablabla

老友記一聽到，玻璃心又碎到一地都係，然後又玩絕食，再玩頹廢，直頭係all day sleep，直頭嚇到佢娘親半死。其實腎指數唔係叫超高，但原來老友記喺聽到對話內容之後就咁down咗。

毛媽見狀兩日，揾我嗱嗱聲做急症治療再問診。我一於又睇下今次係因乜事激親到佢老人家。

最後，定咗今日食嘅係海鮮餐~

🤷‍♀️毛媽否認:「冇呀~冇畀過海鮮佢食!」

👩‍⚕️我話:「魚呀，蝦呀，瑤柱粥，有冇咩海鮮湯?」

最後佢終於記得喇!

🤩🥰🙆‍♀️今日我收到毛媽msg話佢食咗3隻大蝦，2匙羹飯，同飲返水喇!夜晚有食魚同飯，再加蘋果!😋😋😋😋😋😋

老友記，今次又down到過咗火位啦，下次唔好成日嚇你呀媽啦!