貓貓好down好灰機

最近多咗人搵我哋傳心急症室去處理動物情緒嘅問題，原來好多時候情緒有問題係因為身體唔好，佢哋自己都唔mood

其中一個個案，寵主因為貓貓冇黎心機，唔願自己食野，唔郁動，成日都好down好灰機，寵主就帶咗貓貓去睇兩三個醫生，返嚟嘅報告都係話貓貓冇問題！純粹係情緒唔好心情唔靚🙀

寵主係藥石無靈之下就黎嚟搵我哋做傳心。我哋團隊習慣係傳心之前都會幫動物做一個遙距身體檢查，唔查由自可，一查大檸樂🤡我哋發現貓貓嘅眼好唔舒服，於是就問吓寵主之前佢哋係check啲乜嘢，寵主就話都係啲血啊，內臟啊咁樣囉，全部都好正常，靚指數。但係我哋心諗，唔對路喎，講緊佢對眼喎，唔係講緊佢啲血喎😹同埋同貓貓傾偈傳心嘅時候，貓貓自己都有講到話覺得對眼係唔舒服喎

係我哋嘅堅持之下，終於book咗第四個醫生，今次專門睇吓貓貓隻眼。傾傾吓計先發現，原來寵主唔知道點樣去同醫生溝通，唔知點樣問吓醫生去檢查下貓貓對眼冇咁老尷👀嘻嘻小貼士就等你哋搵我嘅時候再慢慢交代啦！總之最後醫生檢查完貓貓嘅眼，發現貓貓係眼角膜發炎，要食藥同埋滴眼藥水先搞得掂呀！

每次遇到呢啲事，我哋都會好開心，因為可以幫到動物檢查到一啲平時好難發現嘅病，令佢哋可以更快得到專業嘅醫生診治，最後達致Win Win嘅目的，動物健康，寵主快樂🤪