貓星人周圍便溺🚽

自從上次我哋衝出左國際之後，我哋都收到唔同地方嘅求救個案，今次有澳門嘅貓星人🐱寵主本身已經飼養咗四隻貓貓，其中一隻貓貓有係家中周圍便溺嘅情況。一如以往，我哋係傳心之前都幫佢做咗一個遙距body scan，了解返到底係佢情緒有問題啊，定係佢身體有唔舒服🤒

檢查完之後，我哋發現佢心肺嘅位置都有少少炎症，而下腹亦有唔舒服，所以都建議毛媽去睇咗醫生先，同一時間我哋都會幫佢傳心。

經過左一個禮拜，貓貓嘅報告亦都出爐🔊指出佢心臟有問題，已經去到第二期嘅階段，需要長期服藥。另外腎臟有感染，希望抗生素係可以幫助解決。😿

但係由於毛媽係想解決貓貓係屋企周圍便溺嘅情況，亦都記得我哋話過佢下腹有問題，同埋貓貓話只要佢好返佢就會自己返去貓廁所🚽

所以喺第二次複診嘅時候，要求醫生抽取咗貓貓嘅尿液去化驗，最後發現尿液入面有雜質❗️

今日，我哋收到貓貓最新嘅消息，就係佢今日覆完診之後，打咗針💉醫生建議佢食返濕糧，對個膀胱會好啲啲🤞🏼貓貓一返到屋企之後，自己識得去返個貓廁所到解決啦！ 嘩勁開心，差唔多4個月冇試過啦！ 😻