蠢蠢去咗邊?

Hello，好耐冇見過大家啦👋🏻

最近真係太忙太忙，所以都唔係好得閒update大家，多謝大家仲喺度睇我哋嘅個案分享🙏🏻💋

最近我哋幫手搵咗隻走失嘅貓貓，佢個名叫蠢蠢，平時都唔會走出街🐾

屋企人係差唔多夜晚十一二點先發現蠢蠢唔見咗，即刻向我哋留言求助，雖然心急如焚，但係亦都非常機智咁樣通知晒所有貓貓group同埋管理處👍🏻

嗰晚由於我哋仲有其他case係手，所以一check到佢仲在世，就叫屋企人周圍再留意一下先，睇吓見唔見到蠢蠢嘅身影。如果都係唔見嘅話，就再print啲傳單周圍貼下，等多啲人留意吓有冇見到蠢蠢

去到第二朝，就傳心問吓蠢蠢去咗邊

🐱話：「應該仲係屋企附近，唔會行咁遠啦，坐咗喺啲有得遮太陽嘅地方，附近有啲類似啲白色嘅板。」與此同時，我哋亦都同左蠢蠢講，屋企人已經通知咗住喺附近嘅所有人，叫佢唔使驚，試吓行多啲出嚟，等大家可以見到佢，就可以聯絡到屋企人。

如是者隔咗一日，都仲係冇人發現到蠢蠢，所以我哋又再嘗試聯絡一下蠢蠢，叫佢試吓搵吓返屋企嘅路

但係佢話：「真係唔認得😿行過咗一啲有水池嘅地方，行過出馬路，亦都行咗去啲好多人嘅地方，等其他人見到我可以通知到屋企人😿」見到蠢蠢仲係街道蕩下蕩下都真係唔係辦呀，唯有諗過第二個方法引人注意啦！我哋同蠢蠢夾咗一個方法，然後再將呢個方法同咗屋企人交帶咗一聲，一切就等蠢蠢去行動啦！

終於喺之後個日嘅下晝，即係蠢蠢走失後嘅3日半，終於有人發現咗蠢蠢嘅蹤影，蠢蠢終於成功用我哋夾嘅方法去令到有人注意到佢😻就係咁樣成功返返去屋企人嘅身邊啦💖