狗狗遺言傳心🌈

平時同人講「傳心急症室」好鬼忙，冇人信。

平時同人講「傳心急症室」做遙距，冇人信。

平時同人講「傳心急症室」要分流，冇人信。

終於，今星期啱啱認識咗幾位冇養毛孩嘅新朋友，正係大家食緊飯互相講下「平時」業務有啲咩程序時，我收到一個等緊入房做安樂死嘅狗狗寵主電話。

個下我嚇到六神無主，又冇紙筆係手，餐廳環境又唔容許我即時做，下一個就到佢入房，我真係同分秒必爭同佢聯繫🥺

好好彩新朋友比我係佢架車到做遺言傳心，係車到我同狗狗傾計，狗狗交代話：「我走咗之後你要睇住屋企個老人家唔好再跌倒啦」個下我再忍唔到啲眼淚係咁流出黎😭(之後先知阿Auntie曾經真係有幾次跌倒，所以狗狗唯一唔放心既地方就係哩度)

好多人覺得遺言係啲留給最愛的說話，但哩個遺言係好中咗寵主屋企個情況，根本就唔係亂咁講到嘅野😔就這樣我係新識嘅朋友面前崩潰眼紅形象全無😶

同一個星期我又係街到接咗個好急嘅遺言傳心，好好彩又比我搵到個靜啲嘅地方做。寵主希望我哋教貓貓自己離開，又留咗啲說話比屋企人，今朝貓貓安祥咁去咗彩虹橋🌈

諗返起上年我哋喺書展做新書推介嘅時候，又係咁，突然之間收到緊急遺言嘅要求，其實無論任何時候，環境許可嘅話我哋都一定會盡力去幫大家傳達雙方嘅說話，希望毛孩唔需要經歷安樂死之前嘅痛苦，可以自然安詳咁離開。