狗狗Bobby迷路記

喺上個月11號嘅時候，我哋收到一個來自馬來西亞嘅走失狗個案。呢個個案嘅難度極高，因為狗狗bobby係同主人一齊行山嘅時候走失嘅，而呢一個山係有三個山頭連住🙀

主人喺狗狗走失之後嘅第二日就已經搵咗我哋進行傳心，仲好醒咁樣將走失地點用GPS方法標記左俾我哋知👍🏻好彩嘅係Bobby同主人都成日行呢座山，所以對呢座山非常熟悉。主人就講咗兩個地標俾我哋聽，一個就係大樹，大到可以有20至30人先可以攬得住嘅大樹，另一個就係一間廟。

我哋第一次同bobby傳心嘅時候，佢表示自己比較接近大樹嘅位置，亦都比較熟大樹附近嘅環境🌳仲好貼心咁樣話好放心主人一定有方法搵到佢😘但係主人去到大樹嗰邊嘅時候就未有發現Bobby嘅蹤跡，而且主人想Bobby去廟嗰頭會合，因為原來大樹係喺山入面，廟就係山嘅入口。主人亦都同廟嘅職員講咗如果有狗狗出現會通知佢。

我哋同bobby交低咗返去廟個邊之後，到咗12號再follow up Bobby喺邊度，佢就話🐶：「去咗啲乾嘅草度休息，（因為前一晚落大雨）唔會去濕嘅草個一邊，亦都唔係好多人行嘅徑，呢邊食得嘅嘢冇咁多，但係啲水比較乾淨，亦都安全一啲。」

（主人表示呢個山有兩條路徑，一條係好多人行嘅，令一條係爬山嘅路，少人行啲嘅）咁主人唔知點解都係搵咗好多人行嘅路，但係我哋就覺得Bobby係喺行爬山嘅路。

52小時後，即係12號嘅黃昏時間，我感應到Bobby望住一間白色嘅屋長方形嘅屋，仲有啲布定旗咁，有橙色嘅街燈，地下亦都有少少濕濕地，就即刻同主人講一聲💬主人就話「咦咁佢好近山腳路喎！咁不如叫佢喺山腳等啦！」

去到呢一刻我哋都非常之確定Bobby係行爬山嘅路，因為佢話佢跳唔到出去，佢唔係係人行嘅路嗰度，但係近人嘅地方，有時聽到啲喇叭聲定係音樂聲添。

主人開咗衛星圖搵咗山腳嘅一堆白色屋，就開始出發去白色屋堆嗰度啦！主人一路行一路影相俾我哋睇，當中經過左唔少嘅白色屋都俾我哋話「唔啱！」🙅🏻‍♀️

哩個時候，主人收到一個電話話搵到bobby，仲腥咗相黎話係山腳油棕園入面嘅白色屋仔搵到📸一睇張相完全同Bobby俾我嘅視線係一模一樣！呢間白色屋仔係一間廢棄左嘅屋嚟嘅，咁啱有人爬山入咗去就發現Bobby👏🏻👏🏻👏🏻👏🏻哩間屋仔係近廟個邊，所以bobby一開始係有聽話想嘗試返去搵主人會合㗎😭😭😭

所以話，傳心有時候唔係淨係講幾句係乜就係乜咁膚淺💁🏻‍♀️真正懂得傳心嘅人會睇到感受到動物當下所想所看所感覺！ 每次幫手搵走失都會可以令人主人感受到我哋唔係空口講白話，再明白到遙距能量係一件乜野一回事，唔係得個講字❤️

PS 非常感謝正男主人的介紹才讓我能幫助找到bobby，謝謝🙏🏻 @heyits__jack