流鼻血既貓咪米奇

14歲貓咪米奇嘅毛爸爸搵我哋去處理米奇食乾糧時會弓起個背脊嘅問題🤔聽毛爸講米奇食濕糧係冇哩個問題，係食乾糧嘅時候，會「無啦啦好似有人拍佢pat pat咁，突然之間就會弓起個背脊，然後再向後彈起向上望，然後會一臉受驚嘅樣子，跑一陣就會回復正常」😨

醫生認為可能係係痛症，所以開咗止痛藥比米奇，但係食咗10日止痛藥，情況仍然持續喎🧐

咁我哋就夾咗一次喺食飯嘅時候幫佢做一個檢查🐱喺過程之中我哋發現到米奇嘅鼻哥好似有啲問題。於是係食乾糧嘅之前專登比能量個鼻哥，陪住佢食乾糧🙊

當天夜晚米奇食乾糧嘅時候就再冇向後彈起向上望呢個動作啦，咁我哋就問吓毛爸爸米奇嘅鼻哥究竟係發生過咩事啦🥺原來米奇細過一返屋企嘅時候就已經有流鼻血呢個問題，但係醫生話過由於貓嘅鼻孔實在太細，所以唔可以放到嘢入去照，只可以keep住觀察👨🏻‍⚕️

如是者我哋試咗兩三次，專登喺米奇食飯嘅時候比能量佢個鼻哥，米奇果然係冇再有向後彈起向上望呢個動作🙀反而如果冇畀能量過一次，又會做返呢個動作喎🤡

我哋膽粗粗估計米奇喺食乾糧嘅時候會用過鼻哥去索吓啲糧，而食濕糧嘅時候就只需要用條脷去舔⁉️所以當耷低頭食乾糧嘅時候，鼻血會慢慢流出嚟，而米奇又唔鍾意嗰個感覺，所以就會「弓起個背，向後彈起，想離開少少啲乾糧，再岳高個頭」，等啲鼻血唔好流出嚟😹（我哋唔係醫生所以都係得個估字㗎咋）

就係咁樣，我哋就暫時成為咗米奇嘅陪食員喇😹😹