柴犬妹妹肯食野啦!

三年之前，柴犬妹妹做完膝關節手術之後就開始唔肯食野，但係唔食野就喂唔到藥，就開始咗漫長嘅force feed路🥺三年黎寵主乜都試過咁滯，又用過匙餵，又試過用手餵，又試過餓佢一晚，按摩呀氹呀乜都唔得🤦🏻‍♀️係都𠼱返出黎

直到6月嘅時候，因為工人姐姐即將返家鄉，所以寵主姐姐終於肯正視問題，搵咗我哋幫妹妹傳心💬妹妹話覺得自己肥得滯，一烏低頭食野就覺頭暈，仲好清楚咁講糧嘅味道、份量，甚至個食物兜都唔係重點，係條頸肥先係最大問題！

我哋同寵主交代返之後，一路陪住寵主慢慢試下妹妹對唔同嘅鮮食嘅反應，最後係搵到妹妹鍾意食日本椰菜🥳歷時2個月後，妹妹已經自己食野❤️

係十月嘅時候妹妹又開始唔食野，去打瘋狗針睇醫生嘅時候醫生話佢瘦得太快怕有病， 所以我哋又同妹妹傾計🤡原來佢覺得啲糧唔好食唔吸引，想要啲濃味啲嘅，因為自己咁後生已經食得咁清淡嘅話幾時食到老😩有咗上次經驗，今次寵主即刻搵咗牛肉同羊肉罐罐，妹妹十分鐘內食晒全個飯🙈工人姐姐同寵主都覺得勁感動！