慘叫、失禁瀨尿、抽筋然後休克既可憐松鼠汪星人

今次「傳心急症室」嘅主角係茶茶一位好可愛的6歲松鼠汪星人。根據毛媽講，茶茶每日凌晨都會發生四個令人好心痛的狀況😰: 慘叫、失禁瀨尿、抽筋然後休克呢個情況已經持續咗好多個禮拜 。 開頭毛媽揾我哋幫茶茶做個遙距body scan。我用Reiki能量發現茶茶個肛門腺有少少問題，於是馬上約見醫生。第一位醫生話茶茶因為痛症嘅關係，先會發生以上的情況。幫茶茶完照x ray， 醫生認為佢係膝頭有事，所以開咗啲止痛藥佢食。但幾日之後，茶茶夜晚的慘烈情況又繼續發生… 之前診所醫生認為x-ray無大發現，亦同我哋所講既肛門腺問題影響不大。 所以毛媽就繼續帶茶茶去睇唔同嘅醫生。第二位醫生認為茶茶係皮膚病，所以開咗啲抗生素畀茶茶食 。藥係有食但係茶茶係凌晨嘅慘況都冇得到改善。咁媽媽緊係唔會放棄茶茶啦! 媽媽繼續帶茶茶睇第三位醫生，醫生話茶茶心臟有心律不正嘅問題，所以要食藥同入ICU留院觀察。 入到ICU之後茶茶嘅狀況變得正常，無再發生夜晚嘅慘況。當媽媽接返茶茶返到屋企呢， 凌晨茶茶又開始慘叫、失禁、抽筋同休克。媽媽實在唔忍心見到茶茶咁慘， 所以再次嚟搵我哋幫手。 我用Reiki能量摸到茶茶pat pat附近位置，仲要係入面位置🙈 有排唔到嘅便便💩 所以建議將其中一張X-Ray send畀我同團隊既護士姐姐 Catherine睇一睇，就知道係茶茶尾巴生咗超多骨刺，係密集式個種! 骨刺嘅問題導致茶茶每一次排便都感受到劇烈嘅痛楚，而無辦法正常排便。啲便便同毒素咁就積返喺身體，令茶茶凌晨嘅時候發生以上極慘烈嘅狀況。我哋用Reiki能量幫查查舒緩咗生理上嘅痛楚，茶茶當晚就已經即刻無事，無失控。第二日仲屙咗三篤💩💩💩便便添 !而經過咗一個月嘅Reiki治療，每日都會報告茶茶既「每日一篤」，睇嚟之前既「恐怖四步曲」已經好返曬lu~ 由茶茶的個案， 可以畀我哋睇到凡事唔好太早下定論， 畀舊有經驗所限， 要懷抱初心去睇每一個個案， 先可以搵到問題嘅根源， 真正幫到有需要嘅動物。