享受最後生命的貓貓

2020年我哋急症室收得最多嘅係血尿💀其中一隻貓貓係搵我哋跟進完血尿之後，再繼續進行保健。

記得11月嘅時候，我哋幫貓貓做身體檢查嘅時候，發現佢嘅血當流過心臟同肺部都有唔正常嘅感覺。寵主都即時搵咗醫生去做身體檢查，但係驗血報告嘅指數都係靚仔冇問題。但係一個月之後，我哋就收到噩耗話貓貓確診淋巴癌，仲係擴散得好快😿由於貓貓嘅情況已經唔樂觀，寵主決定放棄傳統治療，搵我哋繼續幫佢舒緩痛楚，幫助佢舒舒服服咁樣享受埋生命最後嘅呢一段路。

我哋好明白，當遇到咁突然嘅事情，內心係一定好難面對同接受。望住心愛嘅寵物經歷病痛，但係自己無能為力，的確係好折磨。而且係無力感驅使之下，必然會想尋求唔同嘅意見，越聽越多，個心就越黎越亂。哩個痛苦我哋有經歷過，所以我哋更加明白，幫助寵主同寵物去盡力、無悔咁面對，舒適有尊嚴同選擇咁離開世界。

就好似貓貓咁，我哋都陪伴住寵主同貓貓，加強中間嘅溝通，貓貓中間有咩不適都可以及時舒緩。係呢一兩個星期，我哋檢查到貓貓嘅癌細胞擴散到眼睛，琴日我哋就收到寵主嘅update話見到貓貓嘅瞳孔兩邊唔對稱😿

我哋唔係話我哋嘅處理方式一定係最完美，但如果角色調轉設身處地，你會想點樣安排自己人生最後一段時間呢？如果無止境嘅應急措施只係會延續痛苦，會唔會選擇用自己喜歡嘅方式去走埋哩啲日子會更無遺憾呢？無論揀邊個答案都會有好同壞，冇絕對嘅對錯，希望各位讀者可以深思一下💕