17歲「多一次機會.多一份尊嚴」

上星期收到一位舊朋友case，奇怪係有一段時間冇見到佢出隻八哥相，突然見到咪望多兩眼，隔日就收到私訊。 緣分就係解釋唔到，原來八哥(波子)已經十七歲，肝指數已升至二千，從報告中喺正條邊邊位，成隻變黃咗，大小便冇，胃口冇，好彩仲有飲水。但毛爸已嚇到半死，心急如焚啦! 初步結果，還是被勸送佢一程…但又無啦啦喺FB見到我出現，留言傾下睇下波子有咩遺言…可是被我半推半就揀咗「先做治療後做傳心」計劃。 啱啱過咗一星期喇，已轉了第2間診所，覆診時醫生話雖然未有大便，但按肚仔時冇縮冇叫，擔心就可以少一樣。漏尿情況多咗，全是深黃色，希望都係排既毒素，有尿總比冇尿好。 治療效果有進展，不忙就做一次傳心吧。傳心內容簡單講下 🐶「我想瞓張涼浸浸既墊,想落水池仔同小朋友一齊浸，身體入面好熱。食啲鮮味嘅野，魚粥得唔得?等凍咗先比我食，暖既我就唔會食。*我超級冇諗過,佢哋再比一次機會我,我以為我死得架喇,多謝你哋冇放棄過我,我一把年紀,但我有尊嚴。我見到男嘅對屋企人好,所以一定唔會放棄我,你哋嘅細路日後一定好錫你哋同好有愛。」 🧔毛爸問題嚟喇🤔 邊個係個男?屋企得我一個男人!佢唔係叫我做爸爸咩?我老婆對屋企好啲! 👩‍⚕️係呀!講你呀!你咪個男囉，你估個個都叫雄性屋企人做爸爸咩?以我聽返波子意思，係(好大膽咁問)你…係咪孝子?爸爸在嗎?波子有見過你爸爸嗎?你係咪一個念舊又顧家既仔仔?你緊你爸爸? 🧔我爸爸走咗喇，以前我同屋企人係住咗好耐，波子佢好緊張爸爸架!之前有試過暈低，有時我爸爸去廁所耐，佢又會拍門叫爸爸。我係念舊同感性既,但孝子真係唔知自己係咪，家姐其實先係最錫屋企，只係為咗工作好早搬咗出去住，波子又會知咁多野。。。。。。 今日收到好消息，就係波子經過成個星期冇食野冇大便，終於有少少胃口，食咗少少菜少少魚蒸咗一條雞柳，仲想食，當然冇畀啦，怕胃仔未得住🤭之後，最想見到既野出現喇!係💩呀～ 🥰可以case close喇!要繼續加油!哩一個係算touching既case，一代轉一代既教悔，上一代爸爸點樣做人處事，哩一代對所有生命平等並給予尊重。(俗語話，連隻狗都知你咩人)今次正正聽到十七歲既毛孩心底話，毛爸仲消化中，相信同時喺度懷念一下以前跟爸爸住既時光⏳。