「臨終的肺苦之言」

今朝07:45收到電話，一把焦急既女仔聲話:「He11o，係傳心急症室嗎?我狗狗喺診所搶救緊，你幫幫佢丫!唔該!」我定個神之後，叫女仔喺電話send狗仔張相畀名我，就收線。用極速鯨吞兩塊餅，即刻開工!(年輕時，試過空肚做傳心，暈咗成個中午)

個一刻，我心掙扎過好冇洗面擦牙先....好彩冇!我連結個一刻，已經聽到心跳好弱，一路傾一路寫:「我左手好痛，應該之後會唔痛,我後腳無力，可能之後會有返力。我咩都唔怕啊!多謝愛我一心一意咁樣照顧我，試咁多樣野，去就我。我唔會忘記。你哋好好生活，唔希望再因為搬屋而煩惱。我後腰開始攰，冇力喇!我唔講喇!」

我收筆時候，就收到女仔留言，話佢走左喇… 我話:「我知道，我陪住佢。」 有時候主人會覺得，帶佢哋去喺診所留醫，得返佢一個咁樣自然離開，好遺憾好自責。但其實去診所度睇醫生，係為佢好而去架嘛，之後發生的事情都係命運嘅安排。 我突然之間諗到番說話同個主人講,如果真係咁啱個時候，佢要畢業，我哋就只好將傷痛轉化成祝福，得閒回憶一下佢平時搞笑嘅動作，又鍾意食嘅野，同埋佢地身上面或者手板仔嘅味道，咁樣就已經足夠。 隔咗一段時間，女仔同我講，原來佢哋屋企近17年差唔多，每年4年搬一次屋，到近年女仔嫁咗之後，先有安定屋企。狗狗跟住佢哋兄妹係咁搬.…從傳心中，聽得出係肺苦之言，說吧便升天。 感恩自己有聽電話，識我既人都知我365日係無聲，除咗stand by duty會開手機聲，今次服務我無憾。