老年病~呼吸困難

老狗病（二）

上集提到得得嘅氣管問題，我哋經過一星期嘅地氈式搵原因，發現平時用對待生病毛孩嘅治療方式對年紀老邁嘅毛孩未必係最好嘅方法😣 亦都多謝得得，令我哋反思到現時我哋都未做到好貼心，我哋將會為年老毛孩推出一個特別訂製嘅服務！

因為媽咪反映得得嘅情況其實好倚賴我哋比能量佢嘅時間長短同埋頻密程度。🤔比如話，我哋晏晝幫得得做咗一次治療，但係佢嘅自身能量未必支持到夜晚，變咗夜晚瞓得唔好，亦都令佢第二日出現尿滲嘅情況💦但如果我哋係夜晚同佢做治療，佢瞓得好，第二日尿滲嘅情況亦都會消失。

所以，我哋決定為得得打散做治療嘅時間，即係話，每一次治療嘅時間減少左，但係次數頻密左。可能我哋以前會一個鐘頭連續比能量佢，而家會變成分四次比能量佢，而每一次係三個字咁樣⚡️

有趣嘅事情係，得得平時都會好早瞓覺💤但係呢一個星期嘅密集式治療，令佢好似習慣咗我哋每一日大概凌晨時間兩三點都會幫佢做治療咁，都差唔多時間佢就會起身行過圈，都唔知係我哋整醒咗佢定係諗住監察吓我哋有冇幫佢做治療一樣😂

氣管解決咗，尿滲問題都冇埋，宜家身體檢查個報告話佢肝指數終於穩定返，冇升冇跌。有住肉眼可見嘅起色，得得真係可以舒舒服服啦！希望可以繼續同哩位老友記做治療啦😚😚