老年病~控制括約肌

大家都好明白，年紀大咗身體機力好多都會控制得唔好，近13

歲嘅得得其實等於人類91歲，身體一定多多少少有啲毛病。得得媽媽其實係一次直播到認識咗我哋，抱住初次接觸嘅存疑、又有點點希望處光嘅心態黎查詢😣 得得搵我哋嘅最主要問題係尿滲，根據媽媽講法，係anywhere anytime都會有機會出現，食荷爾蒙藥好咗啲，但病情仍然時好時壞。我哋係幫佢做身體檢查嘅時候，發現其實得得身體仲有好多問題，比如係氣管、肝腎等等。不過我哋都集中係尿尿問題到先。 其實我哋一聽到呢個情況嘅時候，就已經諗咗好多個問題，到底係老咗肌肉控制到，定係輸尿管嘅問題，定係膀胱嘅問題？膀胱方面，醫生話睇過冇問題，但係情況持續，搵唔到原因。所以我哋首先決定大包圍！將成個泌尿系統都俾咗能量先。我哋開始左四日，成效漸漸出黎。嗰四日得得都冇尿滲問題啦！不過，呢一個係長期抗爭，只係做四日並唔可以將成個情況斷尾。所以我哋依家嘗試隔日幫得得輸入能量，俾佢慢慢試吓控制返括約肌。 其實每一晚我哋比能量得得下半身，就感受到佢上半身唞氣真係好辛苦。但係實際情況係顧得上面就顧唔到下面（我哋唔會咁無良，唔得都話得架！ ）尤其係佢入房個陣會打哈次，雖然工人姐姐都清得好密，但唔知係咪關啲浮游粒子事，所以我哋都建議睇吓會唔會有空氣清新機，令佢瞓覺附近嘅空氣質素好啲，可以舒緩下氣喘嘅問題。再加上我哋又幫佢做多咗治療，所以佢哩兩晚都瞓得好咗。 下集我地會繼續探討下很得嘅氣管問題，同大家講下遙距能量治療點樣可以幫助到老年病。