午夜兇鈴~喵~喵~叫(下集)

上次提到我哋開始進行第二次傳心，除咗打算終極解決叫聲嘅問題，仲會一併拆解綿綿成日露出驚惶眼神嘅原因。 mama：而家綿綿少咗夜晚叫，但其餘時間都喺度叫，不停望住我喺度叫，又會望住廚房喺度叫。同埋佢仲係有啲怕我男朋友，唔係好想畀人摸咁。 😼：我想有啲貓一齊叫呀（感覺好似有啲寂寞） ➡️由於同佢綿綿傾過計，今次我哋選擇強硬少少去令佢明白哥哥姐姐面對緊嘅困難。 Charmaigne：綿綿，呢度係人住嘅屋企，唔係貓貓住嘅地方，唔使不停咁樣叫㗎，冇人會同你一齊喺度喵喵叫。你咁樣不停叫，會令到佢哋休息唔夠，咁就會冇能力養你㗎啦！咁你就要返去領養中心等第二個屋企㗎啦。如果你唔聽話繼續喵喵叫，就唔會有人同你玩㗎啦！ 😿：佢哋成日啲動作都好快，我驚呀！我覺得佢似想整蠱我多啲，如果撞到牆或者櫃會俾人鬧㗎嘛，我先唔制呀！我寧願自己行過嚟你地度聞吓，錫下腳仔，就滿足㗎啦。始終都係怕事怕人，你哋唔使咁熱情理我架，我都會盡快去適應，對唔住呀！我知我好煩，但係我唔想見到你哋因為我而喺度鬧交。 Charmaigne：傻豬黎嘅，呢度係你屋企，你之後嘅時間都會喺呢一度同哥哥姐姐一齊。放鬆D啦！ 原來一切都是寂寞惹的禍？！🙀有見及此，我哋就建議姐姐不如喺屋企播下音樂，將屋企氛圍改善，咁樣可以令到綿綿安心啲舒服啲🎶🎵 經過咗一番唇舌解釋畀綿綿聽，終於佢都開始放下警惕嘅心，最深刻就係傾完冇幾耐，姐姐睇書睇到好感動流眼淚，綿綿竟然真係慢慢走過黎，行係姐姐腳邊，然後望住姐姐，好似同姐姐講：唔好喊啦，我係到陪住你呀😽😽而之後都多咗慢慢行去姐姐嘅腳邊，有時亦都會翻肚討摸摸。 因為綿綿踏出咗第一步嘅改變，哥哥對綿綿嘅態度都開始改善🎉竟然搵咗啲有貓貓叫聲嘅音樂俾佢聽，等佢唔再覺得咁孤單 一路跟進呢個個案差唔多兩個月，望住姐姐非常用心去改變現狀，完全唔會放棄綿綿，真係令我好感動。領養咗佢返去，就係一世一個承諾👣唔知點解諗起結婚誓詞：在你健康或病痛時支持你，與你在愛中共同成長，直到永永遠遠。喺呢度再次祝福一對準新人，相信經過今次，你哋會更加明白到人同動物兩者之間嘅關係都係需要付出，經歷，然後再昇華。同樣無論人或者動物，都唔可以輕言放棄，一定會幸福唷！