午夜兇鈴~喵~喵~叫(上集)

近期接收嘅個案多數關於新組織家庭的男女問題。可能疫情當下，大家多咗時間留喺屋企相處，對養動物嘅觀念有所不同，令到有不同的意見出現。今次分享一個二揀一嘅個案畀大家🙀

綿綿大約9個月大嘅時候遇到姐姐，終於可以離開待領養中心嘅籠牢。新屋企有哥哥同埋姐姐，兩個人準備組織新嘅家庭，2加1嘅組合，聽落去已經覺得幸福美滿🥰但係動物面對新環境，總係會有唔同嘅壓力😕綿綿唔單止成日都流露出驚恐嘅眼神，仲每晚十點至清早都叫，每次一叫就一兩個鐘，係種淒厲嘅叫聲，令到哥哥姐姐每晚都瞓得好差。哥哥心情唔好，又見綿綿好似養唔熟咁，所以好堅持話唔送返綿綿去領養中心嘅話，就唔會結婚😖其實姐姐好愛好愛呢一隻貓貓，唔想送佢走，依家夾左係中間，兩邊不是人，所以覺得好徬徨。

到我哋接手個案嘅時候，綿綿已經去到新屋企有四個月。姐姐之前搵過其他傳心師，但好似改善不大，所以揀咗傳心加保健服務，因為想了解一下點解成日都會叫。

mama：平時又凌晨三點會開始大聲叫，而家有時會細聲，但都係叫。由哩一兩個星期開始，晚飯時間就開始叫，所以知道佢肚餓啦。比野佢食，只係即刻食咗一半，久唔久又食啲，亦都差唔多11點先食埋剩返嗰啲，初初黎嗰陣唔係咁，一個鐘頭之內會食晒個晚餐。

😾：瞓覺嗰度唔可以行出行入，有時想食啲嘢，但係太夜又唔知點做好，所以淨係識得叫。同埋我有時喺度諗，應該點樣安排份量分幾多次食先夠我捱到第二朝。啲糧有冇得大粒啲？有冇其他嘢食？係唔夠飽啊。以前領養嗰度會好多貓一齊食，所以食慢啲就冇得食返。哥哥姐姐好錫我好就我，我唔使驚冇飯食，只係擔心如果一下子食晒，幾時先到第二朝喎？😿

我哋同姐姐講返嘅時候，心入面覺得有啲尷尬，因為呢一個答案好似好小朋友咁🙈但其實再諗返，動物諗嘢係好有遠見，知道自己食完今晚冇得再食，就開始慳慳埋埋分開來食。姐姐聽完我哋講解之後，開始比綿綿多啲糧，又有罐，早放咗啲小食比佢，等佢夜晚有宵夜可以食。

有咗呢個轉變，再配合能量治療平伏情緒，綿綿夜晚開始唔再叫啦，就算叫都會係好短同埋細聲，係個好大嘅改善。雖然已經有改善，但係我哋都明白叫聲真係會非常擾人清夢。所以我哋就幫綿綿進行第二次傳心。