《東周刊》裡面「傳心急症室」

就這樣我們來到《東周刊》裡面「傳心急症室」最後一集了。人生充滿住好多別離嘅時候，而哩個緣起緣滅交織咗唔同嘅際遇。咁啱我哋團隊哩個星期一連接咗3個關於離世嘅個案，今次趁哩個機會講下生離死別。一直以黎我哋會陪住大家一齊去學習面對死亡，面對傷痛。哩個互相扶持嘅過程所建立嘅感情，我哋都非常珍惜，希望同寵主可以繼續聯繫哩個緣。

哩3個個案都係差不多大限到嘅毛孩，好安慰嘅係佢哋都係舒舒服服咁係寵主身邊離開，睇相都覺得佢地好享受離別前珍貴嘅時光。

而因為咁，令我諗返起記得有朋友同我講過，因為佢隻兔仔年事已高，又好多病痛，最後選擇咗去打安樂針。我知道哩件事嘅時間係兔兔走咗之後，朋友好崩潰，覺得自己親手了結咗一個生命。但佢唔知道可以點做，唔知點先可以幫到一隻醫學上無乜希望救到嘅兔仔。

每一個生命總有完結嘅時候，而我哋點樣去讓毛孩有尊嚴地離開世間，係「傳心急症室」一路都推廣緊嘅事。除咗可以安排遺言傳心，令你明白佢嘅意願，陪住佢無遺憾咁走一生最後一段路。另外，透過能量傳送，再加上我哋會同毛孩講點樣離開身體嘅方法，其實佢哋會離開得安詳啲、舒服啲。

好感謝《東周刊》畀咗個機會我同去大家分享關於遙距能量治療哩個較少人知嘅另類療法。如果大家想進一步了解更多，除咗睇我哋出嘅書《傳心急症室》，仲可以係Facebook、I G兩個平台搵到我哋。再次多謝大家嘅信任同埋厚望，希望各位嘅毛孩都健健康康，開開心心！