動物平安鐘

「動物平安鐘」係我哋全新嘅節目，於每星期一晚上9點於facebook專頁上做直播。好多時候，毛孩出咗院之後都需要休養，而且身體復原都需時。好多時候係休養期間會出現咗一啲小毛病，但係有距離下一次覆診日子又有一段距離，寵主未必可以即刻返診所諮詢。

設立呢一個節目嘅目的，係希望可以幫助到呢一群毛孩。好多時候動物同人發病嘅時間都好似，都係喺凌晨三更半夜。咁遇到呢啲情況嘅時候，除咗可以即時搵我地之外，就要靠平時寵主嘅知識啦。睇多啲資訊就會有概念知情毛孩發病嘅程度深淺，需唔需要即時去睇急症醫生。節目涵蓋嘅內容好廣泛，可以係包括點樣照顧年老嘅動物，點樣去令行動不便嘅毛孩郁動得舒服啲，點樣洗傷口，嘔血屙血嘅情況到底點先例為緊急，大可以大到講唔同疾病嘅處理手法，細可以微小到整損手摻親腳，甚至係冇洗耳仔冇洗眼嘅壞後果等等，我哋都會為你一一解答。

我會聯同前資深獸醫助護姐姐（Catherine）一齊做呢一個直播。Catherine自2004年開始就成為咗獸醫助護，亦都由於政府舉辦的寵物課程中擔當導師，以及舉辦多個寵物養生講座及課程。多年嘅臨床經驗令佢可以目測到毛孩嘅情況係由心理定係生理衍生出黎嘅問題，而我就會負責用遙距能量治療嚟做一個快速身體檢查，咁樣重主們就會知道究竟毛孩嘅情況係去到乜嘢程度，需唔需要去醫院做一個即時詳盡嘅檢查和治療。