上山落水嘅拉布拉多(一一)
最近我哋接收左一個個案，毛媽就係因為睇咗上一篇天王嘅事宜搵我地。
今次病左嘅毛孩叫做一一，係一隻鍾意上山落水嘅拉布拉多。由於今次嘅事情仲未完結，我哋決定實時同大家報道我哋做緊嘅嘢！
事情發生係上星期五，一一冇乜心機食嘢飲水，星期六仲開始嘔，然後都冇廁所去到。去左醫院話佢腎功能停止，雖然未證實究竟係乜事，但好大機會係中毒。媽媽就搵咗我哋同佢做能量治療（Usui Reiki）。
⋯⋯
經過團隊一整晚嘅努力，一一終於開始去pee pee啦！但仲未肯食野同飲水...到左前日，一一身體越嚟越好，可以行出寵同埋已經再無震騰騰啊！去到哩到，我地「令一一去廁所」嘅重點已經做到啦！👏🏻
但係醫院仲未肯放出黎，因為話要食野先得喎！咁點算好呢🙈我哋今晚睇下一一出唔出到院再同大家講
